Diasabra 19 di november venidero AMA ta organisando e di cuatro edicion di e “Caribbean Healthcare Symposium”. CHS ta e simposio unda tur persona cu interes den e sector di salubridad riba e islanan Hulandes Caribense por bini hunto. E tema di CHS e aña aki ta “Cuido di adultonan mayor riba e islanan”. Adultonan mayor ta hopi biaha lubida, pero ta alabes un parti sumamente importante pa e sociedad. Recientemente tabata tin diferente casnan di cuido riba e islanan den noticia pa motibo di situacionnan deplorabel y scarcedad financiero cu e
consecuencia por ehempel di insuficiente cuminda pa e residentenan. ” E edicionnan anterior di CHS a resulta den contribucionnan valioso den e discusion tocante e diferente obstaculonan cu tin den e sector di salubridad riba e islanan. E aña aki conhuntamente cu e participantenan di CHS nos lo kier discuti solucionnan pa e problemanan actual den e cuido di adultonan mayor riba e islanan”, Louisa Kluijver (presidente di e comision organisando CHS) ta trece padilanti.
E programa di e aña aki ta uno hopi diverso, unda oradornan cu diferente background y funcion ta bini hunto. E prome orador di e simposio Desiree Helder (hoofd afdeling Sociaal-demografische statistieken van CBS Aruba) lo bay elabora riba e posicion
social-economico di e adultonan mayor na Aruba. E siguiente oradornan Nienke Smits (specialista ouderengeneeskunte) conhuntamente cu Remo Kock (algemeen directeur S.A.B.A)
lo bay elabora riba e situacion actual den e cuido di adultonan mayor na Aruba. Como conclusion Audrey van Schaik (psychiater y bestuurder di GGZ Rivierduinen) lo bay elabora riba
e cuido pa adultonan mayor na Boneiro.
E interaccion cu e publico riba e islanan e ultimo dos añanan a percura cu e aña aki atrobe nos lo organisa e simposio den un forma virtual. Por supuesto lo tin espacio pa haci pregunta y tin
interaccion “real-time” cu e oradornan despues di cada presentacion. Esaki tambe lo ta posibel durante e breakout sessions cu lo tuma lugar despues di e parti plenario. Durante e breakout sessions nos lo trata diferente tema den cuido di adultonan mayor y e participantenan lo haya e oportunidad pa bay den discusion cu e oradornan di e breakout session. E simposio lo conclui cu un debate, unda cu miembronan di e panel di debate y publico lo por participa.
E meta di e simposio ta pa duna un contribucion positivo na e calidad di cuido pa adultonan mayor riba e islanan. CHS ta pa tur hende cu interes den sector di salubridad riba e islanan
Hulandes Caribense. Nos ta puntra un contribucion modera pa e participacion na e simposio y miembronan di AMA lo haya un tarifa reduci. E simposio ta acredita pa tur participante cu un
registracion di BIG. Nos ta warda bo na nos di 4 edicion di e Caribbean Healthcare Symposium diasabra 19 di november 2022. Por registra via www.medikoantiano.com/chs2022-info. Pa mas
informacion of cualkier pregunta por tuma contacto via [email protected] of Contactpersoon:
Aveline Figaroa, bestuurslid Events AMA
[email protected]
+31 6 53962215
