Home Politics Minister di Finansa ta informa: E maneho beneficioso pa pago di impuesto...

Minister di Finansa ta informa: E maneho beneficioso pa pago di impuesto riba dividendo na 10% ta keda extendi pa aña 2023

SHARE

Dia 7 di november Minister di Finansa por medio di un Decreto Ministerial a extende e maneho beneficioso pa pago di impuesto riba dividendo na 10% pa aña 2023.

Ta un maneho cu desde aña 2019 ta wordo aplica den cual ta baha e tarifa di impuesto riba dividendo di 25% pa 10%. Debi na e situacion di pandemia y despues pa yuda e recuperacion, a extende e maneho beneficioso aki den añanan 2020, 2021 y 2022 como parti di e pakete di Alivio Fiscal 1 y 2. Awor pa aña 2023 tambe e maneho aki lo wordo aplica dentro di e ‘Plan di Impuesto 2023.’

E Decreto Ministerial cu a keda publica den ‘Landscourant’ di 4 di november ta contene e condicionnan aplicabel.