William Daniel McCafferty, miho conoci como Dan McCafferty a nace na Schotland dia 14 October 1946 y a fayece diamars dia 8 November 2022.
Dan McCafferty tabata e lead singer original di e conocido banda di hard rock Nazareth. E noticia tristo aki a wordo gepost riba facebook door di Pete Agnew, basista di Nazareth y amigo personal di Dan McCafferty. Segun su post Dan a fayece 12.40 pm.
Pete Agnew a post cu e anuncio di morto di Dan riba Facebook tabata e post di mas tristo cu e la yega di pone riba Facebook.
E la sigui scirbi bisando cu Maryann y famia a perde un bon casa y tata. Tambe e la post cu e la perde su miho amigo y mundo a perde un di su miho cantantenan.
Na 1968 Dan hunto cu su amigo e basista Pete Agnew, guitarista Manny Charlton y drummer Darrel Sweet, a forma e banda Nazareth, cual banda a wordo hopi influencia pa The Beatles, The Rolling Stones y Jimi Hendrix.
E banda pa 45 aña largo a sa di presenta conciertonan grandi y regularmente tabata riba tour. Na 2013 na momento cu Dan McCafferty a bira malo di salud y no por a sigui perform mas. Dan a wordo obliga di retira, esaki a sosode despues cu e la colaps riba stage durante un concierto.
E cantante tabata sufri di un malesa yama Chronical obstructive pulmonary disease (COPD), e la laga atras su señora y dos yiu.
