ORANJESTAD – Como un politico nobo riba lista di Movimiento Electoral di Pueblo (MEP) conhuntamente cu mi sostenedornan tuma un momento pa felicita nos Prome Minister Evelyn Wever – Croes, cu recientemente un bes mas a wordo proclama door di tur candidato riba lista di MEP, como e Lider di Partido MEP pa e siguiente 4 añanan.
Evelyn Wever – Croes a sa di resalta como Prome Minister di Aruba, demostrando su forsa y capacidad di lidera Aruba den un situacion di un di e pio crisisnan di den historia.
A pesar di e diferente retonan cu mester a enfrenta durante di gobernacion manera e pandemia di COVID-19, ciere di frontera entre Aruba y Venzuela y e crisis financiero, door di su perseverancia y determinacion a logra y lo sigui logra soluciona cada obstaculo na caminda. Na bienstar di nos pueblo y nos hendenan cu semper Prome Minister tin den su mente y curason.
Mi kier a desea nos lider tur clase di exito pa e siguiente 4 aña nan como lider di partido, mi ta admira y ta “look up” na nos lider cu pami semper ta un persona determina, cu hopi forsa, fe y cu ta inspirami pa semper kere den bo mes y bo lo logra.
‘Mi ta orguyoso di ta forma parti di e famia di MEP, hunto cu mi demas coleganan, un Aruba #stabielcumep