208
L.G.Smith Boulevard – Diasabra marduga algo pasa di 1’or un muhe posiblemente bou influencia lo a yega na Seaport Casino y a maltrata un muhe.
Algun rato despues patruya cu a bay e sitio no a bin topa cu e persona pero lo a keda tira bista rond.
Algo prome cu 2’or di marduga, polis a topa cu e muhe aki altura di Crystal Casino cu lo tin di haber cu e caso na Seaport Casino.
Polis a para e patruya memey caminda y a acerca e muhe, y despues di a haci’e algun pregunta a bay over na detene pa maltrato.
E muhe a keda discuti un rato cu e agentenan dicon ta detene e, e la wordo splica e proceso y na yegada di transportwagen a hib’e warda di Playa unda cu e lo a wordo cera despues.
