Home » Centro di Bario Savaneta ta presenta: Bazaar di Pasco

Centro di Bario Savaneta ta presenta: Bazaar di Pasco

by Admin
0 comment 116 views

Mane ta tradicion di tur aña nos ta organisa un Bazaar di Pasco den nos Centro di Bario pa comunidad di Aruba por pasa bishita.

E aña aki nos Bazaar di Pasco lo ta diasabra dia 3 di december cuminsando for di 5or pa 10 or. Team di Centro di Bario ta preparando duro pa hiba tur hende den e dushi ambiente di fin di aña.

Sigur no por falta e gaita y aguinaldo. Musica lo ta den man di aguinaldo Flor di Pasco y Gaita Autentico. Tambe nos lo tin scol di baile Diana Antonette cu lo duna un bunita presentacion.
Mane semper nos bar y cushina lo ta bon surti y no por lubida riba nos competencia. E biaha aki nos ta pidi pa traha un Palo di Pasco (kerstboom) ‘from scratch’ di e material cu bo ta desea. Durante e Bazaar di Pasco por registra esaki y nos lo exhibi esaki. Tur bishitante ta vota y e Palo di Pasco faborito ta gana un bunita premio. Lo tin categoria mucha y adulto.

Pa nos bazaar ainda nos tin algun mesa disponibel, mas informacion tocante e actividad, pa reserva mes of pa demas informacion di e competencia, por tuma contacto cu Roseline na 5693900.

‘Like’ nos Facebook page: Centro di Bario Savaneta y click ‘Follow’ p’asina sigui nos y keda na altura di tur nos actividadnan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio