Home Local HULPBESTUURSKANTOOR SAN NICOLAS UBICA TEMPORALMENTE NA MFA SAVANETA PA FALTA DI MANTENCION...

HULPBESTUURSKANTOOR SAN NICOLAS UBICA TEMPORALMENTE NA MFA SAVANETA PA FALTA DI MANTENCION DI SOGA

SHARE

Desde 31 di oktober 2022, Hulpbestuurskantoor San Nicolas, cu ta ubica den e edificio di SOGA na San Nicolas, a muda pa Hulpbestuurskantoor Savaneta den MFA Savaneta.

E desicion aki a ser tuma pa motibo cu e edificio di Hulpbestuurskantoor San Nicolas no ta den su miho estado pa falta di mantencion di SOGA. E edificio den mal estado ta forma un peliger pa e trahadonan y clientenan.

E situacion aki lo ta temporalmente pa 6 siman mientras ta buscando un otro luga na San Nicolas mes pa asina Hulpbestuurskantoor San Nicolas sigui brinda ciudadanonan di San Nicolas miho servicio.

Durante e temporada aki, ta pidi usuarionan di Hulpbestuurskantoor San Nicolas hopi comprension.