Wilhelminastraat – Diamars atardi pasa di 4’or algun rato prome cu Banco di Caribe ta cera pa e dia, Brandweer ta sali direccion e banco pa motibo cu huma tawata sali for di e pisonan di ariba.
Informacionnan e momento eynan tawata papia cu huma lo ta saliendo for di tres y cuatro piso. Esaki a pone cu mesora a evacua tur empleado, y por a miranan para pazuid ariba e parkeerplaats.
Brandweer na su yegada no a nota nada di huma. Mesora a start un control rigoroso ariba e pisonan cu e huma lo tawata saliendo. E alarma si keto bay tawata keda zona, indicando cu tin of tawata tin algo cu a activa esaki.
Despues di basta control Brandweer no a bin haya nada cu por a indica cu tawata tin candela.
Lo a keda di bay controla e sistema di video pa mira si por capta algo.
Ken nan tur por a mira e supuesto huma aki no ta conoci.
