Home » Motociclista herida; despues di dal cu brommer tras di un Hyundai Santa Fe

Motociclista herida; despues di dal cu brommer tras di un Hyundai Santa Fe

by Admin
0 comment 106 views

Noord – Diasabra anochi den careda di 10’or polis a baya altura di MFA Noord, unda un brommer marca Sigma a dal tras di un Hyundai Santa Fe.

E motociclista cu ta un hoben lo a bay den un baño eybanda, kiko e la bay haci no ta conoci.
Ora e la bin bek polis a dicidi di pidi pa departamento di trafico y tambe un ambulance, mirando cu e hoben tawata tin un corta area di su garganta.

Locual a sosode

Un dama na stuur di e Hyundai Santa Fe a caba di traha na Caribbean Palm Village y segun su version e la sali di e parkeerplaats. E lo no a mira ningun brommer biniendo di panort.

HOP

A resulta cu e hoben ariba e brommer Sigma tawata bezig ta hop biniendo zuid y pa e motibo ey dama chauffeur no a mira ningun luz door cu esaki luza den halto.

E brommer na su turno no a por a evita e impacto tampoco y ta dal tras di e auto kibrando e back shield cu su helm, y aki ta unda e la corta bou su garganta.

Paramediconan cu a yega despues di un rato ta transporta e motociclista aki pa Hospitaal.

E caminda eybanda a wordo cera un rato pa asina departamento di trafico haci su investigacion.

Na e sitio por a scucha cu e hoben aki na varios ocasion ta hop brommer ariba caminda. Den pasado asina un otro motociclista a perde su bida, door di e mesun sorto di practica aki.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio