271
Paraguana: Diasabra algo prome cu 4’or di atardi na altura di Paraguana 11, un auto a bolter, den e auto tabata tin un mama cu su dos yiunan, mesora a pidi pa presencia di polis y ambulance. Esnan na e sitio a core kibra e windshield pa asina saca e mama cu su yiunan for di e auto.
Na yega polis a bin topa enberdad cu un Ford Everest blanco gebolter di banda. E dama cu tabata tras di stuur a splica polis cu e la bay hala pa un auto cu tabata biniendo di direcion contrario, pero mirando cu e caminda ta hopi smal, e la dal contra un baranca canto di caminda y a bolter den banda cu su auto.
Dos ambulance a presenta na e sitio y a trata e victimanan cu tabata levemente herida.
