98
Brazil: Diadomingo algo despues di mey anochi, na e bar Dreamhouse na Brazil, presencia di polis y ambulance a wordo pidi cu urgencia pa un homber cu a cay y na prome instante no lo tabata reaciona.
Mesora polis y ambulance a bay direcion di Dreamhouse, na yegada enberdad nan a bin topa cu un homber riba vloer y cu tabata tin un herida na su cabes cu tabata sangra hopi. E situacion di e homber no tabata mustra mucho bon.
Na dado momento e homber a cuminsa saca, aparentemente esaki ta pa motibo di e golpi fuerte cu e la ricibi na cabes y riba dje e tabata bou influencia.
E paramediconan mesora a trat’e na e sitio y despues a opta pa transport’e pa hospital pa asina e por ricibi e tratamento medico necesario.
