Home » Alcohol y velocidad halto causante di accidente serio na Mahuma

Alcohol y velocidad halto causante di accidente serio na Mahuma

by Admin
0 comment 124 views

Green Corridor, Mahuma: Diasbra den careda di 2’or di marduga a sosode un accidente serio un poco pabou di rotonde Mahuma.

Un van blanco maneha pa e conocido personahe di Farandula local Jan Poets y e ocupante tabata e conocido dj Edson Tromp, kende a haya un lift di Poets. Ambos despues di a cumpli cu nan trabou tabata bayendo direcion di cas. Un poco prome cu nan tabata yegando e rotonde di Mahuma, un Nissan March maneha pa un dama, aparentemente pa motibo di velocidad halto a perde control y a dal hopi duro contra e van cu consecuencia cu e van a ranca un borchi trafico y a bolter algun biaha. E Nissan March mes a bay pega den mondi algun meter mas leu.

Jan Poets a resulta seriamente herida y a fractura su man y no por a sali for di su auto. Mesora a pidi pa presencia di polis, ambulance y brandweer na e sitio.

Na yegada polis mesora a cera e caminda y a cuminsa cu nan investigacion, aki a bin nota cu e dama chauffeur tabata bou influencia, despues cu e paramediconan di ambulance a haci un control medico cu e dama, polis a haci un test di alchohol cu ne y enberdad e tabata bou influencia. E dama chauffeur a wordo deteni y transporta pa warda di polis.

Brandweer a presenta na e sitio y despues cu nan a libera Poets for di su auto, e paramediconan a trat’e y a transport’e pa hospital.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio