Home Politics Minister Dangui Oduber SRA. JOAN VAN HEYNINGEN TA BAHA CU SU PENSIOEN...

Minister Dangui Oduber SRA. JOAN VAN HEYNINGEN TA BAHA CU SU PENSIOEN BON MERECI

SHARE

ORANJESTAD – Diabierna atardi Minister Turismo y Salud Publico Sr. Dangui Oduber tabata presente na Geestelijke Gezondheids Zorg (GGZ) caminda a tuma lugar un ceremonia di despedida pa Sra. Joan Van Heiynigen. Ora bo pensa di GGZ bo ta pensa di Sra. Van Heiyningen kende a fungi como hoofd di e departamento di GGZ desde 19 di mei aña 1986.

Minister Oduber a vocifera di ta ta sumamente orguyoso y agradecido di e trabounan inigualabel cu Sra. Van Heiynigen a desplega durante tur e añanan. E ta tuma hopi curashi y pasenshi pero mas cu tur cos, hopi amor pa hasi un trabou cu ta demanda asina hopi comprension di e ser humano.

Nos hobenan ta nos futuro y awor mas cu nunca nan mester di tur e guia y sosten necesario pa por crece y adapta nan mes den e mundo aki, cual ta cambiando rapidamente.

Minister Oduber ta gradici Sra. Van Heiynigen pa tur locual e la logra hasi pa henter e comunidad di Aruba durante tur su añanan di servicio. E mandatario a desea Sra. Van Heiynigen tur clase di exito den su etapa nobo den bida. Disfruta di un pensieon bon mereci yena cu trankilidad. Aruba y GGZ lo haya falta di Joan sigur.