Home » Minister Dangui Oduber DIA INTERNACIONAL DI STROKE

Minister Dangui Oduber DIA INTERNACIONAL DI STROKE

by Admin
0 comment 52 views

ORANJESTAD – Diasabra 29 di October ta wordo reconoci internacionalmente como dia mundial di stroke. E meta di e dia aki ta pa crea conscientisacion tocante e cantidad halto di personanan cu ta sufri un stroke, como tambe e pasonan necesario pa preveni esaki por medio di hiba un bida mas activo y saludabel.

E fecha anual aki a cuminsa na 2006 ora cu World Stroke Organization a declara stroke como un emergencia mundial. World Stroke Organization actualmente tin un campaña cu ta tuma lugar henter aña cu ta wordo uza como un plataforma pa conscientisa y tambe pa aporta na prevencion di esaki.

Den cuadro di esaki, dia 29 di October lo tin un workshop caminda lo duna informacion tocante con pa mehora salud cu nutricion y kico ta e consequencianan di mal nutricion. Hunto cu esaki lo tin un rato di ehercicio pa demostra algun movecion cu por haci na cas. Na final lo tin un actividad di cushinamento pa traha salada, wrap y snacks simpel y saludabel.

Minister di Turismo y Salud Publico, Sr. Dangui Oduber, ta invita pueblo henter pa tuma nota di e dia aki y tambe pa pasa busca mas informacion y tips tocante con pa hiba un bida mas saludabel y activo. Nos salud ta den nos man y por medio di prevencion nos por logra ta parti di un comunidad mas saludabel. Tambe Sr. Oduber kier a gradici tur stakeholder pa nan esfuerso cu ta hasi esaki posibel.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio