Pos Abou: Diasabra algo despues di 10 ‘or y mey di anochi a sosode un accidente riba e caminda di Pos Abou, un poco pariba di e rotonde chikito. Mesora a pidi pa presencia di polis y ambulance.
Na yegada nan a bin compronde cu e Mercedes Benz preto, tabata biniendo di pabou pa un of otro motibo e chauffeur a perde control riba e stuur, a baha caminda y a dal hopi duro contra un palo di lus kibrando esaki den dos.
Durante e impacto un wiel di e auto a kibra y a bay cay den e greppel. Den e Mercedes Benz tabata tin dos persona, e chauffeur a keda levemente herida, e la ricibi un kap chikito na su cabes. Personal di Ambulance a trata e chauffeur na e sitio. E chauffeur lo tabata bou influencia y a pidi pa un transportwagen pa transporte pa Warda di polis.
Elmar tambe a wordo pidi na e sitio pa motibo cu e palo di lus a kibra den dos y tabata colga na e wayanan y di un momento of otro lo por cay.
