115
Sabanilla Abou – Diamars den oranan di atardi patruyanan di Santa Cruz a bay pura direccion Sabanilla Abou, unda cu un maltrato serio lo a of tawata sosodiendo.
Na yegada polisnan a topa cu e persona agredi cu ta un hende homber. E homber tawata sinta dilanti e cas y polisnan tawata tumando su declaracion.
Mientrastanto a pidi pa un ambulance. Algun rato despues e Rapid Responder di Ambulance a yega e sitio, unda cu e Paramedico a duna e homber e asistencia necesario.
Despues di su declaracion y posibel denuncia agentenan a bay over na detencio di cinco hoben menor di edad.
Tur cinco a wordo hiba hunto den 1 transportwagen y a bay strit Warda di Santa Cruz.
Eynan esnan encarga lo bay zoek uit kiko a sosode cu nan a bringa y maltrata e homber.
