Cas di Cultura ta sumamente orguyoso pa presenta su prome evento di Halloween FRIGHT NIGHT @ CAS DI CULTURA.
E evento aki cu ta tuma lugar 29 di October cuminsando for di 7or di anochi lo ta un anochi THRILLING? Cu differente ACTS? Di baile, teatro y hopi musica pa full e famia!
Trick or Treat! Di 6pm pa 7pm di anochi mucha ta bon bini pa trick or treat den nos Foyer y dilanti nos edificio. Differente personahe lo tey presente pa duna mangel y pa saka portret, cortesia di Martijn Trading.
Pa 7or di anochi e evento mes (pa edad 12+) lo cuminsa den nos Foyer cu un DJ, drinks y entrenemiento.
FRIGHT NIGHT den e sala grandi (Auditorium) ta consisti di un show cu diferente disciplina cu artistanan local. E HOUSEBAND cu cantante Estelle lo toka e canticanan di Halloween classic cu nos tur conoce. Gruponan di baile cu lo tey ta Killetos Queen bou di Pierangely Wever, Club di Movimiento, Adriana Kozlov y drag performances.
Tambe Creative Arts Aruba lo PREMIERE nan obra teatral “Are Ghosts Real?”.
Cu e anochi aki Cas di Cultura ta colaborando cu e studiantenan di EPI pa yuda nan recorda fondo pa nan biahe educacional. Tambe e studiantenan di EDUCAMPUS lo tey pa presenta nan arte BOO-nita cu a wordo traha den nan les di ‘fine arts’ bou di Natusha Croes.
Premio! Lo tin premio pa mihor Halloween make-up y disfras! Carchi ta obtenibel na Cas di Cultura, Plaza Bookshop y cerca e studiante di BewegingsOnderwijs EPI.