Home » Fundacion Telefon pa Hubentud Aruba a comparti conocimento na Suecia

Fundacion Telefon pa Hubentud Aruba a comparti conocimento na Suecia

by Admin
0 comment 120 views

 

For di 27 di september te cu 29 di september a tuma lugar e di 10 International Consultation of Child Helplines na Stockholm, Suecia. E di 10 International Consultation of Child Helplines na Stockholm Suecia mester a tuma lugar na 2020 caba. Debi na e Pandemia di Covid 19 esaki no por a tuma lugar. E director di Fundacion Telefon pa Hubentud, James Sneek, a representa   Fundacion Telefon pa Hubentud Aruba.

 

Na mundo tin mas di 160 liña di ayudo telefonico pa mucha y hoben den mas di 140 pais. Fundacion Telefon pa Hubentud Aruba for di 2003 ta miembro di Child Helpline International cu ta un organisacion di impactonan colectivo. Tambe desde 2019 Fundacion Telefon pa Hubentud Aruba pa medio di su presidente, Errol Zebeda, ta representante di Child Helpline International pa Latino America y Caribe. 

 

E di 10 International Consultation of Child Helplines a concentra y tawatatin como tema Resilience: Children and Child Helplines in times of crisis. Durante e di 10 International Consultation of Child Helplines a pone hopi atencion ariba e dos motibonan cu desde 2020 mas tanto  mucha y hoben a tuma contacto cu e liña di ayudo telefonico pa mucha y hoben tur parti di mundo. Ta trata di salud mental y violencia. 

 

E di 10 International Consultation of Child Helplines a ser habri pa su Majestad la Reina Silvia di Suecia. Dr. Najat, Special Representative di Secretario General di United Nations pa cu e tema di violencia contra di mucha, tambe a hiba palabra. Tambe ariba e programa tawata e liña di ayudo telefonico pa mucha y hoben di Ucrania cu a duna un presentacion di e situacion actual di mucha y hoben na e pais aki cu ta bibando den un momento di crisis door di e guera cu Rusia. Fundacion Telefon pa Hubentud Aruba tambe a duna un presentacion durante e di  10 International Consultation of Child Helplines.  Durante e di  10 International Consultation of Child Helplines a tuma lugar un bishita na e liña di ayudo telefonico pa mucha y hoben di Suecia, Briss.

 

Durante e di 10 International Consultation of Child Helplines Fundacion Telefon pa Hubentud Aruba, pa medio di su director, James Sneek, tambe tawatatin e honor di por a duna un presentacion tocante e di diferente Best Practices cu Fundacion Telefon pa Hubentud Aruba ta haci uzo di dje na momento di asisti e muchanan y hobenan di Aruba, St. Eustatius y Saba.   

 

E presentacion di Fundacion Telefon pa Hubentud Aruba durante e di 10 International Consultation of Child Helplines ta den cuadro di e ‘kenniscentrum’ di Fundacion Telefon pa Hubentud Aruba cu ta exportando conocimiento. Despues di 22 aña di existencia Fundacion Telefon pa Hubentud Aruba como un ‘Kenniscentrum’ ta exportanando conocimiento na organisacionan gubernamental y no-gubernamental. Banda di crea conocimiento y comparti conocimiento, awor Fundacion Telefon pa Hubentud Aruba como un ‘Kenniscentrum’ ta bai sigui exporta conocimento.

Pa mas informacion tocante di e bishita y presentacion di Fundacion Telefon pa Hubentud Aruba durante e di ta 10 International Consultation of Child Helplines por tuma contacto cu Fundacion Telefon pa Hubentud Aruba via nos facebook: https://www.facebook.com/telefon.hubentud/, email: [email protected] of telefon 5886138/ 5884011.  

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio