โDia Mundial di Turismo 2022โ
27 di september rond mundo ta celebra โDia Mundial di Turismoโ. Den cuadro di esaki, Gobierno di Aruba ta reflexiona riba e periodo di crisis cu a impacta Aruba su turismo y reconoce personanan visionario cu a contribui grandemente na desaroyo turistico di Aruba.
Turismo ta pilar economico di Aruba, pesey riba โDia Mundial di Turismoโ e ta importante pa para keto y reflexiona riba diferente aspecto cu a tuma luga den transcurso di e aรฑanan. Algo cu no por keda sin menciona ta e impacto enorme cu e crisis di Covid-19 tabatin riba nos turismo, cual Aruba ta recuperando di dje. Gobierno di Aruba ta haci uzo di e ocasion pa gradici cada persona cu a traves di nan curashi, animo y trabou duro, ta haci cu Aruba su turismo ta recuperando y creciendo.
Den transcurso di aรฑanan, Aruba a conoce diferente persona cu e animo y curashi aki, pero tambe cu hopi determinacion y cu vision pa progreso di nos isla.
Na 1974 (48 aรฑa pasa) sr. Angel Rojer a inicia su trayecto den industria turistico di Aruba cu solamente 2 camber y un vision di yega na mas camber. Mirando e demanda cu tabatin na Aruba, sr. Rojer a expande pa 4 camber y despues 6 y asina a sigui pa 10 camber. Sr. Rojer tabata traha 12 ora pa dia y tabata encarga cu diferente trabou sea e tabata traha cu coriente, tuberianan/ โplumbingโ y administracion.
Actualmente, Coconut Inn tin 40 camber y ta un Boutique Hotel renombra na Aruba cu 12 empleado.
Ta danki na personanan manera sr. Angel Rojer, su famia y cada trahado di Coconut Inn, cu Aruba ta marca historia como un di e paisnan cu ta recuperando economicamente mas liher y mas fuerte, danki na e recuperacion turistico.
Pesey riba e Dia Mundial di Tursimo, den nomber di Gobierno di Aruba ta reconoce sr. Angel Rojer pa su contribucion den sector di Turismo di Aruba. โDanki pa bo 48 aรฑa di dedicacion, dinamismo y profesionalismo contribuyendo na Aruba su desaroyo como โTourism Ambassadorโ / Embahador di nos turismo.โ
Pabien na sr. Rojer y henter su famia cu ta sostene, sin lubida cada empleado cu door di traha hunto por wak bek y celebra e bunita logro aki.
