Home Local DEPARTAMENTO METEOROLOGICO ARUBA CU FASE DI INFORMACION

DEPARTAMENTO METEOROLOGICO ARUBA CU FASE DI INFORMACION

SHARE

Ola Tropical activo oost di Bonaire

Departamento Meteorologico di Aruba ta vigilando un ola tropical den parti oost di Caribe, actualmente oost di Bonaire. E Sistema tin un chance grandi di sigui desaroya y bira un ciclon tropical den proximo 2 te 5 dia

Awe 2:00 PM e ola tropical (wave) aki tabata situa mas o menos na 66W, cu ta oost di Bonaire. Cu e curso actual e wave aki ta bai move den parti oost di Caribe entre awe y mayan diabierna. E wave ta ser acompaña pa awacero modera te pisa y mal tempo, y ta move west- noordwest rond di 30 pa 35 km/h.

Impacto riba e weer local:
Por spera biento fuerte den rafaga durante awacero modera te localmente fuerte cu por ser compaña pa lamper cu strena; ademas awacero por causa molester na diferente parti paso ta spera cantidadnan entre 15 pa 35 mm.

Pa e parti maritimo, por spera lama modera te poco bruto na parti oost te noordwest cu olanan entre 5 pa 9 pia. Un aviso pa boto chikito lo drenta na vigor pa e parti oost te noordwest di costa awe tardi 6 ‘or. Ta pidi operadornan di boto chikito pa bai cu cautela na sobra partinan y tambe cerca of den besindario di awacero of lamper cu strena.

Departamento Meteorologico di Aruba lo continua vigilando e sistema aki y si ta necesario emiti e boletinan necesario den e caso ei.

Aruba, Diahuebs September 22, 2:00 PM