Home » Minister Thijsen presente na recepcion pa despedida di Henk Brons

Minister Thijsen presente na recepcion pa despedida di Henk Brons

by Admin
0 comment 79 views

 

 

Den Haag  – Na Pulchri Studio a tuma lugar un recepcion di despedida pa Henk Brons como Director-General di Relacionnan di Reino na e ministerio di Asuntonan Interno y Relacionnan di Reino (BZK). Entre e invitadonan tambe tabata presente Minister Plenipotenciario Suplente di Aruba mr. Ady Thijsen. Na e ocacion aki sr. Thijsen a gradici sr. Brons – den nomber di Gobierno di Aruba – pa e cooperacion brinda durante cu e tabata director na BZK.

E programa a consisti di presentacion di e buki “Ongemak” scirbi door di Gert Oostindie y Wouter Veenendaal, sigi pa un discusion cu participacion di Ank Bijleveld, André Bosman, Francio Guadeloupe, Valika Smeulders y Glenn Thodé.

 

Henk Brons a cuminsa 43 aña pasa como redactor politico pa e corant “Het vrije Volk”. Su carera como ambtenaar a cuminsa como director di Voorlichting pa e ministerio di Enseñansa pa despues pasa pa RVD, cu ta e buro di informacion di Gobierno di Hulanda. Desde 2015 Henk Brons a ocupa e funcion di Representante di Hulanda pa Curaçao, St. Maarten y Aruba. Tres aña despues e ta keda nombra como Director-General pa Relacionnan di Reino na e ministerio di BZK.

 

Nota pa redaccion: Publicacion di e potret ta unicamenten cu mencion di e fotografo Nico van der Ven.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio