Home » MINISTER ENDY CROES A REUNI CU DIRECTIVA CU ARUBA BADMINTON FEDERATION.

MINISTER ENDY CROES A REUNI CU DIRECTIVA CU ARUBA BADMINTON FEDERATION.

by Admin
0 comment 95 views

 

 

ORANJESTAD: Siman pasa Minister Endy Croes a reuni cu directiva di Aruba Badminton Federation. Presente na encuentro ameno tabata sra. Su Yin Lau, secretario general y sr. Terence Sybesma, Presidente di e federacion. Meta di e reunion tabata pa cera conoci cu e directiva di Aruba Badminton Federation. E federacion a  duna un presentacion amplio na e mandatario di Deporte di e proyecto CAREBACO 2023 INTERNATIONAL. E competencia ta programa pa tuma luga na luna di augustus 2023, na unda cu Aruba ta pais anfitrion. Ta premira cu 12 isla di Caribe y mas di 200 atleta ta competi den e campeonato internacional di badminton. Un otro proyecto cu Aruba Badminton Federation tin programa pa organisa pa prome biaha den regio di Caribe ta Special Olympic di Badminaton Internacional. Na final di e reunion e mandatario a ricibi un tshirt for di directiva di Aruba Badminton Federation. Minister Endy Croes ta gradici nan pe bishita y ta desea e Aruba Badminton Federation tur clase di exito cu e preparacion di CAREBACO 2023 INTERNACIONAL. Cu deseo, disciplina, dedicacion, determinacion ta logra bo meta.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio