Home Local Cortamento di yerba na banda di caminda y su peligernan

Cortamento di yerba na banda di caminda y su peligernan

SHARE
Oranjestad
Cortamento di yerba na banda di caminda ta algo cu nos ta mira tur dia, esaki ta mantene nos Aruba limpi y bunita.

Lamentablemente, cu durante e trabou aki ta wordo haci e ta trece su inconveniencia nan.
Na varios ocasion terminando na intermediacion di polis.

E problema primordial ta cu dependiendo unda esaki ta tumando luga, piedra ta spart. Tin varios caso registra di piedra cu a spart(bula) bay dal windshield di auto kibrando esaki.

No ta esey ta e unico peliger, sino cu tambe e piedra por spart bay dal un persona of animal den vecindario. Por ehempel imagina bo ricibi un pida piedra cu velocidad halto den bo wowo.
Esaki por ta devastador, unda cu bo ta termina perdiendo bo wowo.

Tambe por mira algun di e personanan aki trahando cu e machine, sin ningun proteccion na nan cara.

Mester bin un regulacion rapido di e trabou(problema) peligroso aki.

E departamento of departamentonan concerni mester por bin cu un “ley” pa evita mas daño tanto na vehiculonan y no laga nos pensa mes ariba un daño serio causa pa un piedra ariba un ser humano.