Den Haag – Minister Plenipotenciario Suplente mr. Ady Thijsen tabata invitado special na e celebracion di e 65 aniversario di Kansfonds. Minister Thijsen a keda ricibi pa directora di Kansfonds Henriëtte Hulsebosch y presidente di e directiva di Kansfonds Theo Bovens.
Minister Thijsen a felicita sra. Hulsebosch y sr. Bovens cu e aniversario di Kansfonds y a desea nan hopi exito den futuro cu e trabao excelente cu nan a bin ta haci pa 65 aña caba.
Kansfonds su meta desde cu ela keda funda ta pa brinda tur hende un hogar. Nan ta traha pa henter Reino Hulandes, dus tambe pa Aruba. E fundacion ta sali for di e punto di bista cu tur hende tin derecho riba un hogar. Esaki ta mas cu unicamente tin un dak riba bo cabes. Bo mester tambe di suficiente entrada pa biba y tin e sentimiento cu nan ta parti di sociedad. Sin di tin un hogar ta nifica pa hopi hende cu nan no tin derecho di existencia, cu ta e base di cada ser humano.
Durante e recepcion despues di e programa Minister Thijsen a probecha na topa y combersa cu partnernan potencial pa cu Aruba. Asina e mandatario a cera conoci cu directora di Nationale Postcode Loterij Dorine Manson pa mira kico e Nationale Postcode Loterij por significa pa Aruba.
Nota pa redaccion: E potretnan ta cortesia di Arubahuis