Home » Wendrick Cicilia di AVP Un vision pa solucion serio cu sosten di gremionan ta unico  posibilidad

Wendrick Cicilia di AVP Un vision pa solucion serio cu sosten di gremionan ta unico  posibilidad

by Admin
0 comment 97 views

 

 

Diamars siman pasa CAft a dirigi un carta na Minister di Finansa  Cultura, relaciona cu su reaccion riba e di dos “uitvoeringsrapportage 2022,”   cual contenido ta mustra e seriedad di e situacion cu pais Aruba ta confrontando na e momentonan aki pa loke ta su recuperacion financiero.

Wendrick Cicilia di partido AVP ta mustra cu na momentonan asina, caminda e situacion financiero di gobierno ainda no tin solucion, ta momento serio pa reflexion y na mes momento busca sosten amplio den comunidad pa yega na un vision pa un solucion serio y efectivo.

“Nos di AVP pa algun tempo caba a bin a reuniendo no solamente cu ciudadanonan pa haya un miho impresion di loke nan ta pasando aden pero tambe cu gremionan, pa di e forma aki yega na un solucion pa loke ta pasando, cu lo un solucion cu tin un base amplio di sosten.

E momento  e yega pa presenta un vision of plan di accion cu lo ta cuadra cu henter e proceso den cual ta envolvi CAft y RMR pa loke ta ehecucion di palabracionnan haci cu e actual gobierno.

Sin duda pa yega na un solucion adecuado pa enfrenta e desaroyonan negativo cu a surgi for di e maneho di e actual gobierno, ta rekeri envolvimento di tur gremio, di tur instancia pa di e forma aki presenta un bon plan na gobierno Hulandes pa asina bay rumbo di solucion, rumbo di bon cooperacion.

Un plan cu ta conta su sosten nacional y cu mester converti su mes den e punto di salida pa deliberacionnan nobo cu gobierno Hulandes, pa asina yega na un entendimento adecuado, sin cu  ta biba cerca CAft y RMR, e mesun ambiente crea pa e actual gobierno di Aruba, cu no a respeta palabracionnan haci,” Wendrick Cicilia a mustra.

Segun e hoben candidato di partido AVP,  e momento a yega pa atende cu tur loke gabinete Wever Croes no a respeta den palabracionnan haci, tuma un iniciativa nobo creando como punto di salida, dialogo serio y efectivo,  pa mita kico ainda lo por haci pa evita e desaroyonan negativo cu tin riba mesa na e momentonan aki, manera entre otro e posibilidad di un posibel “aanwijzing.”

“Fuera di haya un solucion cu sosten di un base amplio cu por ser logra a base di dialogonan extenso, tin otro asuntonan di vital importancia cu ta rekeri atencion urgente manera entre otro pa loke ta e sector laboral pero tambe e sector economico.

E recuperacion economico na e momentonan aki, ta ser carga pa gran parti pa e desaroyonan impresionante den e sector turistico pero tin cantidad di otro aspectonan economico, cu ainda no ta ser atendi cu e urgencia cu esaki ta rekeri.

Den e sector laboral tin cu atende diferente situacion cu a presenta, no solamente dor di e pandemia pero tambe dor di e forma con gobierno a atende cu interes di trahadonan cu a perde nan trabou. Nos tin hopi trabou pa haci y partido AVP ta reuniendo cu gremionan pa yega na un vision comun cu solucion pa e situacion cu tin na e momentonan aki,” Wendrick Cicilia di AVP a declara.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio