Home » MINISTER DANGUI ODUBER A RICIBI BISHITA DI THE CARRIBEAN MED LABS

MINISTER DANGUI ODUBER A RICIBI BISHITA DI THE CARRIBEAN MED LABS

by Admin
0 comment 90 views

 

 

ORANJESTAD – Diaranson mainta Minister di Turismo y Salud Publico sr. Dangui Oduber a ricibi bishita di The Carribean Med Labs Foundation. E fundacion aki ta un non-governmental organization, estableci na Trinidad and Tobago. Nan ta traha pa construi y sostene servicio laboratorio di e calidadnan di mas halto atraves di un mecanismo independiente auto suficiente.

Den e reunion aki Carribean Medlabs a informa e mandatario riba e resultado di e 2 dianan di bishita cu a tuma lugar aki na Aruba, caminda nan a bishita diferente laboratorionan.

E colaboracion entre Gobierno y The Carribean Med Labs a inicia na aña 2019. Den esaki nan ta comprometi pa asisti Aruba den yuda sigura y standarisa un bon calidad di testnan cu ta wordo ehecuta dor di e laboratorionan na Aruba. The Carribean Med Labs a duna elogio na e calidad di e testnan cu ta ser brinda actualmente dor di e diferente laboratorionan. E parti cu mas nan a elogia ta e acreditacion internacional cu ya caba varios laboratorionan na Aruba tin. 

Otro tema importante cu The Carribean Med Labs a trese padilanti ta e rol importante di un laboratorio, no solamente pa cu salubridad publico den aspecto local pero tambe turistico. Minister Oduber  lo sigui coopera cu Caribbean Medlab pa asisti den e desaroyo di nos calidad di laboratorio aki na Aruba y garantiza cu tur test cu wordo haci ta confiabel pa laboratorionan cu ta acredita, certifica y di calidad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio