122
Noord – Diahuebs merdia den careda di 1’or polis a bay altura di Botica Santa Anna unda a sosode un accidente cu hende herida.
Na yegada polis a topa cu e vehiculonan, uno tawata un Nissan Note y e otro auto tawata un Chevrolet.
E accidente a sosode momento cu e Nissan bayendo pariba a bay desvia pa no dal tras di un auto su dilanti. Momento cu e la haci esaki kitando bay na su man robes e ta topa e Chevrolet y ta dal frontal.
Den e accidente aki dos persona a resulta herida.
Caminda a wordo cera na e rotonde di Noord, debi cu e autonan tawata memey di caminda y tambe pa Paramediconan por a haci nan trabou.
Paramediconan a duna atencion medico na e heridonan y tambe Polis di trafico tawata necesario na e sitio.