Home Politics Partido MEP ta condena actitud di Mike Eman PA PROME BIAHA...

Partido MEP ta condena actitud di Mike Eman PA PROME BIAHA MIKE A ORKESTRA UN MANIFESTACION DURANTE E APERTURA DI AÑA PARLAMENTARIO

SHARE
???????????????????????????????????????????

Diamars mainta, mientas cu e apertura di Aña Parlamentario 2022-2023 tawata tumandao luga den Parlamento, un grupo di entre 10 pa 15 persona cu vinculo na Mike Eman y Partido AVP, a presenta dilanti di Parlamento pa manifesta. Partido MEP ta condena cu pa prome biaha Mike a orkestra un manifestacion durante e apertura di aña Parlamentario. 

 

E grupo aki cu ta mayoria hende muhe, a presenta dilanti di Parlamento cu pancarta cu exigencia pa Evelyn bay cas. Nan a insulta Gobernador di nos pais, faltando e respet y yamando e pa corupto. E acto aki di Mike Eman ta un acto cu no solamente Partido MEP ta rechasa pero henter nos pueblo di Aruba ta rechasa esaki. Un acto infantil cu ta mustra desesperacion. 

 

Tawata di comprende si Mike Eman lo a limita su mes na ataca politiconan di MEP den e caso aki, pasoba esaki ta su ansha politico. Pero e echo cu Mike Eman a orkestra un manifestacion y manda e grupo aki pa insulta y ofende Gobernador di Aruba, ta demostra cu Mike Eman ainda no a supera su rabia cu e tin riba nos Gobernador. 

 

Partido MEP ta considera loke Mike Eman a haci diamars mainta, un falta di respet grandi pa henter Parlamento, pa Gobierno, pa nos Gobernador y pa henter pueblo di Aruba. Ta importante pa henter Aruba mira e nivel y e grado di muchachada cu Mike Eman ta recuri na dje. 

 

Partido MEP ta rechasa esaki y den nomber di pueblo di Aruba, Partido MEP ta pidi disculpa na Gobernador S.E. Alfonso Boekhoudt cu mester a pasa den momentonan asina bochornoso na man di Mike Eman