Home » Departamento di Aduana ta informa di e maneho nobo di Inspectie Volksgezondheid Aruba en conexion cu importacion di suplemento y/of remedi pa uzo propio 

Departamento di Aduana ta informa di e maneho nobo di Inspectie Volksgezondheid Aruba en conexion cu importacion di suplemento y/of remedi pa uzo propio 

by Admin
0 comment 44 views

 

 

ORANJESTAD- Recientemente Inspectie Volksgezondheid a introduci un maneho nobo en conexion cu importacion di suplemento y/of remedi cu no ta registra y suplemento pa uzo propio. E maneho aki ta indica cu cierto suplemento y remedi tin autorisacion pa importacion sin tin mester di un permiso for di Inspectie Volksgezondheid Aruba. Pa remedinan y/of suplementonan (‘zelfstandigheid’) den forma di suministracion farmaceutico manera tablet, injeccion, polvo, ampullen, suspencion, azeta, crema, zalf, y ‘zelfstandigheden’ pa uzo propio y pa animal cu no ta para riba e lista, mester obtene un permiso di importacion. 

 

Pa obtene permiso di importacion mester manda e siguiente documentonan na [email protected]
Documentonan:

  1. Un peticion pa permiso di importacion yena (documento di Douane) hunto cu e bill of lading of e formulario di Douane Luchthaven Reizigers.
  2. Un declaracion yena pa uzo propio for di Inspectie Volksgezondheid Aruba (mester wordo inclui adhunto).
  3. Un copia di forma di identificacion (paspoort of rijbewijs) di e individual cu ta importa e ‘zelfstandigheden’.
  4. Un copia di e factura di e ‘zelfstandigheden’.
  5. Si ta aplicabel, un copia di e verpakking di e ‘zelfstandigheden’.

 

E lista di remedinan y/of suplementonan cu no ta rekeri permiso di importacion ta obtenibel riba nos website via https://www.douane.aw/ bou di e seccion di documenten> download formulieren (particulier)> positieve lijst supplementen.

E formulario di declaracion pa uzo propio di Inspectie Volksgezondheid Aruba ta obtenibel riba nan website via https://www.iva.aw/seccion-di-remedi 

 

Pa mas informacion of pregunta por tuma contacto cu Inspectie Volksgezondheid na 526-2160 of [email protected] como tambe Departamento di Aduana na 523-8888 of [email protected].

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio