Home » Minister Arends: “Ban Lanta y Planta” cu nan mision pa planta 10.000 mata nativo rond di Aruba.

Minister Arends: “Ban Lanta y Planta” cu nan mision pa planta 10.000 mata nativo rond di Aruba.

by Admin
0 comment 57 views

 

 

Durante weekend ultimo minister di naturalesa, Sr. Ursell Arends a lanta y bai planta pa duna su contribucion na e proyecto di Ban Lanta y Planta. E fundacion tin como meta pa planta 10.000 mata rond di Aruba pa yuda restaura Aruba su ecosistema natural.

 

Un tremendo iniciativa cu ta promove Aruba su matanan nativo y nos flora y fauna en general. E matanan a wordo planta na un manera unda ta percura cu ora muha e mata atardi, e awa ta yega e raiz directo, y asina yuda e mata crece na un manera sostenibel. Tambe e fundacion tin un schedule unda boluntarionan por yuda cu muhamento di e matanan, tres biaha pa siman. Esaki ta un manera eficiente pa por percura pa e matanan cu wordo planta, por sobrevivi den e clima cayente di Aruba.

 

“E ta un placer pa tabata tin e oportunidad pa pasa un mainta den naturalesa, unda ta duna balor na nos matanan nativo di Aruba y balor pa nos medio ambiente.” Minister Arends a cuminsa ta bisa, “Paso ora naturalesa prospera, nos como ser humano tambe ta prospera.”

 

Minister Arends ta manda palabra di gradicimento y admiracion na e fundacion y su team completo, como tambe tur boluntario cu ta asisti den solo cayente. Pa mas informacion con pa bira boluntario por contacta e fundacion “Ban Lanta y Planta” via nan medianan social. Hunto nos ta yuda Aruba su naturalesa recupera y mitiga e efectonan di cambio climatico.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio