Home Politics Premier Wever – Croes: EXITO NA STUDIANTENAN CU A INICIA NAN...

Premier Wever – Croes: EXITO NA STUDIANTENAN CU A INICIA NAN CARERA DEN MEDICINA NA “AMERICAN UNIVERSITY OF MEDICINE ARUBA”

SHARE

 

 

ORANJESTAD – Prome Minister Evelyn Wever – Croes tabata presente na American University of Medicine Aruba, pa duna bon bini na e studiantenan nobo y desea nan exito cu inicio di nan carera. 

 

Prome Minister Wever – Croes a inicia su discurso compartiendo cu e studiantenan, maestronan y demas presente, pakico e ta un honor pe por ta presente na e ocasion special pe studiantenan y dicon e momento ta special pe tambe. Despues cu Prome Minister Wever – Croes a finalisa scol secundario, su soño tabata pa bira un dokter. El a inicia cu e estudio pa esaki na Costa Rica, sinembargo pa motibo di ‘heimwee’ a bolbe bek Aruba, bandonando e soño aki. Considerando cu e tempo ey Ley, tabata e unico estudio cu por a sigui na Universidad di Aruba, a opta pa haci esey. Awendia ta contento cu e decision di a studia Ley y obtene su ‘black coat’, no obstante, esun di dokter esta ‘white coat’ semper lo keda special pe, Premier Wever – Croes a expresa.

 

Bisando esaki, Prome Minister a bisa e studiantenan tambe cu e periodo aki ta bin cu retonan, pero alabes e lo ta un periodo den cual lo siña hopi. Y ta importante pa semper corda e rason pa cual a cuminsa cu e estudio, paso na final ora di obtene e diploma, tur cos lo ta bale la pena. 

 

AMERICAN UNIVERSITY TA RECONOCE PROME MINISTER DI ARUBA

Ademas, Prome Minister Wever-Croes na e occasion a ricibi como regalo un cuadra di American University School of  Medicine Aruba, como gratitud pa lidera Pais Aruba cu caracter, inteligencia y consciencia.

 

Prome Minister a termina deseando tur e studiantenan exito cu nan estudio, nan carera den medician na American University of Medicine Aruba.