Home » CERA CONOCI CU POLIS DI BARIO, REUNION DI CONTACTO DEN BARIO DI SANTA CRUZ

CERA CONOCI CU POLIS DI BARIO, REUNION DI CONTACTO DEN BARIO DI SANTA CRUZ

by Admin
0 comment 127 views

MACUARIMA, ARUBA: Cuerpo Policial Aruba ta haci un invitacion pa e barionan di Santa Cruz pa un anochi informativo presenta pa Polis di Bario di Santa Cruz.

Polis di Bario di Santa Cruz conhuntamente cu Comisario Sra. Trudy Hassel a sinta hunto na mesa pa asina organisa un reunion di contacto pa e districto di Santa Cruz.

Lo bay tin diferente thema pero locual ta mas importante y lo enfoca riba dje, ta pa scucha e preocupacion di e habitantenan. Kico ta e problema sea chikito of grandi, kico ta molestia e habitante of bario pero tambe e habitantenan por trece ideanan of posibelmente solucionnan cu por tin pa cu e bario.

Lo parti e districto di Santa Cruz den dos dia. E prome dia lo tuma lugar dia 28 september 2022 for di 6 pm pa 9pm na Club San Martin na Santa Cruz. Esaki lo ta pa e bario di: Sero Compa, Angochi, Sabanilla abou, San Fuego, Picaron, Macuarima, Cas Ariba, Jan Flemming, Maria Maai, Jamanota, Balashi, Simeon Antonio y Barcadera ta invita pa e anochi informativo aki.

E di dos dia lo tuma lugar dia 30 September 2022 for di 6pm pa 9pm na Club Caiquetio na Paradera. E bario invita ta: Casibari, Bloemond, Sero Pita, Ayo, Matividiri, Koeriboeri, Marawiel, Tamarijn, Hooiberg, Canashito, Zumbo y Sjabururi.
Habitantenan di e dicho barionan boso ta cordialmente invita pa atende un di e dos dianan pa asina haya informacion of comparti ideanan of posibelmente trece un solucion pa boso bario.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio