Palm Beach:
Diadomingo algo prome cu 1’or di marduga, un biaha mas polis mester a bay na e mesun hotel, den area di High Rise. E biaha aki pa un otro turista, cu lo ta bou influencia y tabata causando hopi molester, e turista no kier a comporta su mes.
Na yegada polis a papia cu ne y e no kier a rasona, no a keda polis nada otro cu detene e turista aki tambe y pidi pa e transportwagen pa hib’e warda di polis na Shaba.
E turista aki tambe a wordo baha na e parti patras di warda, caminda e celnan ta.
Segun nos a compronde cu esaki no ta prome biaha cu e turista aki ta wordo deteni na Aruba, den pasado tambe varios biaha e la wordo deteni y hiba warda di polis, por bisa cu ya e ta un conoci caba di polis na Aruba pasobra ta cada biaha cu e ta di bishita na Aruba, e lo ta haci algo robes y ta wordo deteni pa polis.