Home Police Pelea di turista na hotel a caba cu un persona herida y...

Pelea di turista na hotel a caba cu un persona herida y un otro deteni

SHARE

Palm Beach:
Diasabra den careda di 10’or di anochi presencia di polis a wordo pidi cu hopi urgencia na un hotel den High Rise Area, pa un pelea entre turista cu lo a bay completamente for di man.

Na yegada polis a topa cu un persona herida y cu tabata tin mester di asistencia medico. Mesora a pidi pa presencia di ambulance. Mientras polis a bay atende cu e otro persona, e la wordo deteni. E persona herida a wordo transporta pa hospital pa tratamento medico. E turista deteni a wordo transporta cu transportwagen di polis pa oficina di strandpolitie, caminda e la presenta dilanti Sub-fiscal.

Despues e la wordo transporta pa Warda di Shaba, e no lo tabata den condicion pa wordo baha dilanti di warda di polis y a opta pa bah’e di biaha na e parti patras di warda, unda e celnan ta. Tambe por a mira polisnan bisti cu handschoen pa por a bahe’e y hib’e paden, su carson tabata mustra basta sushi.