247
Palm Beach:
Diadomingo den careda di 1’or y mey di marduga, presencia di polis a wordo pidi cu urgencia despues cu a topa cu un homber na sanger drumi riba vloer entre Hooters y Benihana Restaurant. E homber tabata mustra basta confundi. Na prome instante a pensa cu lo por ta trata di un caso di maltrato of cu e homber a cay. Segun e homber “nan” lo a dal e.
Na yegada polis a nota cu e homber tabata basta bou influencia y lo a cay, e herida no tabata nada particular, cu e lo mester a haya atencion medico. Pa su propio siguridad y di otro, polisnan a opta pa pidi un transportwagen pa asina transport’e pa warda di polis caminda e lo por pasa algun ora te ora e recupera.
Transportwagen di polis a transport’e pa warda di Shaba.