Home Police Dos biaha polis mester a bay pa atende cu un problema na...

Dos biaha polis mester a bay pa atende cu un problema na e mesun cas na Nuñe

SHARE

Nuñe:

Diabierna den careda di 7’or y mey di anochi, presencia di polis a wordo pidi cu hopi urgencia na un adres na Nuñe pa un bringamento cu lo tabata bayendo for di man.

Varios unidad di polis a bay na e adres aki, na yegada polis a nota cu no tabata trata di un bringamento pero mas bien un problema entre dos grupo cu hopi zundramento y gritamento. Polis mesora a calma e situacion y a pidi nan pa esunnan cu a bin busca problema pa nan bandona e sitio. Polis keriendo cu cos a caba pero esaki no tabata e caso.

Algo prome cu 10’or di anochi, un biaha mas presencia di polis a wordo pidi cu urgencia na e mesun adres na Nuñe pa motibo cu un biaha mas e grupo a bin bek y e problema a bolbe start.

E biaha aki polis a actua cu man duro y a bisanan cu si nan no bandona e sitio mesora, lo bay over na detene nan. Hopi lihe e situacion a calma y e grupo a bandona e sitio.