Home » Minister Arends a reuni cu Criadornan di Bestia

Minister Arends a reuni cu Criadornan di Bestia

by Admin
0 comment 65 views

Diaranson, 7 di september, Minister Ursell Arends a reuni cu diferente criador di bestia na Aruba.
Durante e encuentro aki e criadornan a vocifera nan preocupacionnan unda a toca diferente topico manera cachonan riba caya cu ta ataca nan bestianan, problema di hortamento di bestianan, manera cabrito y con pa haci entre otro registracion na DLVV mas facil y accesibel.

“Nos ta contento di por a sinta awe cu e criadornan di bestia na Aruba”, Minister Arends a cuminsa ta bisa, “Ta gradici nan tambe pa organisa nan mes pa trece nan preocupacionnan dilanti cual ta duna nos un bista di kico e problemanan cu nan ta enfrenta ta y tambe pa wak unda por brinda cooperacion. Como ministerio sigur nos lo bai haci nos maximo esfuerso pa bin cu solucion nan concreto pa e sector aki cu ta aporta na siguridad di cuminda na Aruba.”
A palabra cu lo sigui reuni cu e grupo y atende cu e preocupacionnan den coordinacion cu DLVV (Santa Rosa) pa yuda trece solucionnan structural.

Ministerio di Naturalesa ta aplaudi tur criador y cunukero cu ta aporta na Aruba su sector primario y nos comunidad henter, pues ta brinda cooperacion di ministerio caminda cu por.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio