Home Police Durante un lift: Anciano a haya ataca den auto na Tanki Leendert

Durante un lift: Anciano a haya ataca den auto na Tanki Leendert

SHARE
TANKI LEENDERT:
Diabierna algo pasa di 6’or y mey di atardi. Un dama tras di stuur di un Tucson a nota cu un di e ocupantenan den su auto a cuminsa haci straño. Esaki a sosode net pazuid di e rotonde Tanki Leendert. Mesora e dama tras di stuur a lora staciona e auto den e parkinglot di Acropolis Plaza y a yama 911.

Hopi lihe polis a yega na e sitio y a baha e homber for di auto y a cuminsa duna e homber CPR.

Segun e señora cu tabata tras di stuur, e homber tabata tin algun dia ta sinti malo y awe a bay dokter. Un rato prome e la bisa e dama cu e ta sintiendo poco miho, pero lamentabelmente toch a haya un ataca.

Dos ambulance a yega na e sitio y e paramediconan a sigui cu e cpr, na momento cu nan a haya un reacion di parti di e homber, nan a prepar’e y cu hopi urgencia e la wordo transporta pa hospital. Polis a habri caminda pa e ambulance por a yega hopi lihe hospitaal.

E homber ta un persona di edad cu no tin famia directo na Aruba. E dama chauffeur y su famia ta mescos cu su famia na Aruba.
Den e auto tabata tin e dos yiunan chikito di e dama chauffeur. E dos muchanan a spanta masha hopi mes, nan tabata yorando incontrolabel.

Slachtofferhulp a wordo pidi pa e dama chauffeur y su dos yiunan.