Home Police Corchon na candela den cel na Huis van Bewaring

Corchon na candela den cel na Huis van Bewaring

SHARE

Avenida Milo Croes – Diahuebs den oranan di atardi por a mira varios unidad di polis y tambe di brandweer ariba Avenida Milo Croes, nan tawata bayendo direccion Huis van Bewaring.

Den oranan di diahuebs alarma a wordo bati pa un candela den e ex prison di Aruba. Eynan actualmente ta tene personanan indocumenta pendiente nan deportacion.

Den un statement cortico Vocero di Polis Sr.Lito Laclé a bisa cu un corchon lo tawata na candela.
E corchon tawata den un cel danki Dios e la wordo controla.

Na e sitio tawatin varios unidad di polis y tambe di Brandweer.

Na ultimo a presenta un ambulance cu a staciona pafo y por a mira e Paramediconan cana bay paden, unda cu a controla un detenido cu a inhala poco huma debi cu e tawata cerca of den e cel.

Na e sitio por a scucha comentario cu lo ta algo intencional, investigacion lo mester bay deduci esey.