Entrante awe por bolbe cuminsa inscribi pa e projecto YAMO (young adults moving on) di SEDA(Stichting Educacion Digital Arubano). Inscripcion pa September a inicia. SEDA ta un organisacion non profit cu ta traha specificamente pa educacion en general na Aruba. E projecto YAMO ta pa studiantenan cu pa un motibo of otro no por sigui nan school normalmente, y cu por sigui materianan cu lo yudanan hisa nan nivel di idioma (hulandes-ingles-spaño), rekenen / wiskunde, boekhouden, computacion.
E programma tambe ta prepara e studiante di 18-30 anja pa pasa e landsexamen. E grupo ta atende ful siman di 2:30pm-4:30pm cu dos materia pa dia, di dialuna pa diahuebs. SEDA ta traha cu diferente organisacionnan social na Aruba. Studiantenan por volg e lesnan online of presencial dependiendo di e situacion.
Pa mas informacion di SEDA, por bay riba e website sedaruba.org of por tuma contacto cu SEDA via telefoon 5687399.
Tambe por hasi uso di e link aki pa inscribi pa e YAMO project: https://docs.google.com/forms/d/e/1FAIpQLSfmYUV5vA3IPRr5lTLaIsv2FdWg1-Apq-RWlwAixa7y8PmYCQ/viewform
Hunto cu CEDE Aruba, SEDA ta contribui na yuda e enseñansa di Aruba, usando technologia y guia personal pa e studiante cu pa un of otro motibo no ta den un organisacion educativo actualmente. Un danki na CEDE Aruba cu ta esun cu ta hasi e projecto aki posibel den cooperacion cu EPI, FPNM, WGK, ADRA, Casa Cuna, SKOA, Fundacion Respetami, OC, Fundacion Guiami, Centro pa Hoben y Famia, Minister di Enseñanza y Deporte y tur cu a kere den e projecto aki y cu ta traha duro pa garantisa cu ningun mucha of hoben keda atras den enseñansa. Inscribi awor!