Home Politics MEP na parlamentario Marisol Lopez-Tromp: “Bo ta sospechoso, SI of NO?”

MEP na parlamentario Marisol Lopez-Tromp: “Bo ta sospechoso, SI of NO?”

SHARE

Partido MEP, un partido cu un trayectorio hopi largo den gobernacion di e pais aki, te ainda no a haya un splicacion satisfactorio for di e parlamentario di AVP Gerlien Croes pa loke ta e pregunta, si e por drenta Merca, SI of NO. Un pregunta simpel haci pa partido MEP y cu pa motibonan obvio no a haya un contesta debido di parti di e parlamentario menciona y consecuentemente cu su silencio Gerlien ta sigui demostra su actitud intransparente.

Un misterio tras di otro
Mirando cu Parlamento ta e organo di mas halto den e pais aki y cu integridad y transparencia mester prevalece den tur sentido di palabra, pueblo Arubano no por sigui biba den tur e misterionan cu a lanta cabes den e ultimo lunanan aki. Ta asina tin un otro parlamentario cu tambe ta poniendo cara di Parlamento na berguensa ya cu recientemente e persona aki – cu asistencia di un abogado y bao di un copi koffie – a wordo interoga durante 7 ora largo na oficina di Landsrecherche. Despues di e interogacion largisimo aki a keda e pregunta si e parlamentario Marisol Lopez Tromp tambe ta wordo sospecha di un of otro caso spirito cu no por mira luz di dia? Lo ta trata asunto di otorgamento di tereno di pueblo den forma ilicito mescos cu esaki a wordo describi den e WODC rapport emiti na aña 2011 y specificamente relata na ministerio di infrastructura?

Corupcion cu tereno di gobierno?
Hecho ta cu na salida for di oficina di Landsrecherche, Marisol Lopez Tromp a declara cu el a wordo invita door di Landsrecherche pa repasa su declaracion na juni contra Directeur di DIP sr. Croes. Cu e declaracion aki ta surgi e pregunta kico tin bao di mesa scondi relaciona cu DIP, esta cu otorgamento di terenonan di gobierno? Terenonan a wordo cumpra, bendi cu placa of cu voto? Despues di un interogacion largisimo na oficina di Landsrecherche, e pregunta ta keda colga, si e parlamentario y lider di MAS en cuestion ta sospechoso, SI of NO? E pueblo Arubano amante di integridad, transparencia y honestidad merece di haya un contesta categorico riba e one million dollar question aki, ya cu den pasado na varios ocasion e parlamentario aki a ser gara ta gaña y te hasta a haci denuncia falso contra su propio colega den parlamento!