Home » Hulanda: Meneer di un scol basico a wordo haya cu un cantidad di potret di muchanan menor sunu

Hulanda: Meneer di un scol basico a wordo haya cu un cantidad di potret di muchanan menor sunu

by Admin
0 comment 57 views

HEUSDEN, NOORD-BRABANT:

Recientemente polis na Heusden a detene un meneer di scol (44). E meneer di scol aki a wordo deteni despues di a wordo gara cu un cantidad grandi di potretnan di muchanan menor di edad sunu y cu pornografia infantil.

E homber a bira un sospechoso, despues cu polis a haya un tip cu tin un homber scondi ta grabando muchanan menor di edad. Asina Ministerio Publico a informa na medionan di prensa.

E sospechoso tabata un meneer di scol, un educador di un scol basico na e municipio Heusden na Noord Brabant. Ministerio Publico a informa cu e muchanan riba e potretnan, niun ta di e scol caminda e ta duna les.  E incidente a tuma lugar na un otro caminda den e provincia Noord-Brabant. E director di e scol a wordo poni na altura un rato despues di su detencion.

Autoridad a confisca diferente celular, den cual tabata tin un cantidad di potret di muchanan chikito sunu. Segun Ministerio publico autoridad ainda ta investigando e cantidad di potretnan haya den e celularnan.

E meneer di scol actualmente ta deteni pa investigacion relaciona cu e potretnan di muchanan menor sunu haya den su celular y tambe pa tabata den poder di Pornografia infantil. Segun Ministerio Publico, e resultado di e investigacion lo mester bay saca afo di kiko exactamente e homber aki ta wordo sospecha di dje.

Siman pasa e homber mester a presenta dilanta Hues Comisario, y su detencion a wordo prolonga. Dia 14 di september e lo mester presenta den e Raadkamer di Corte di Husticia di Oost Brabant.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio