Home » Na caminda pa e di 10 edicion di Kids & Teens Christmas Song Festival 2022

Na caminda pa e di 10 edicion di Kids & Teens Christmas Song Festival 2022

by Admin
0 comment 81 views

E aña aki Kids & Teens Christmas Song Festival ta celebrando su di 10 y ultimo edicion di e festival di Pasco na Aruba pa mucha y hoben.

Tur aña tin 30 participante ta participa, 10 participante den cada categoria cu cancionnan di pasco na Papiamento. 

 

Pa di 10 aña consecutivo  cada participante ta wordo acompaña pa nos All Star Band di e festival bao encargo di Sr. Danny Koolman. 

Inscripcion a caba di habri y tin 3 categoria.

E 3 categorianan ta:

04 pa 07 aña 

08 pa 11 aña 

12 pa 17 aña.

 

Tur participante ta haya 4 training cu banda y ta tuma un maximo di 10 cantante pa categoria.

Tur cantante ta presenta cu un banda enbibo cu 15 musiconan profeshonal.

 

Loke ta hasi e festival uno special, ta cu hopi cantante hoben cu ta participando y destacando den festivalnan nacional manera entre otro den Festival di un canto na nos Himno y Bandera, Festival di Dande y otro festivalnan, ta cantantenan cu a debuta pa prome biaha den Kids & Teens Christmas Song Festival.

 

Cada hoben su participacion ta completamente gratis y durante training e musiconan ta duna guia si e tono ta bon of si mester subi of baha un tiki y ta companja cada participante durante nan 4 trainingnan mas un general.

 

E rekesito pa participa ta cu e cancion mester ta di pasco of gospel na Papiamento, caminda nos kier stimula nos dushi idioma Papiamento.

Pa inscribi y pa mas informacion por jama Tante Juli na Cel: 592-6185.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio