Home Politics Dennerich Kelly di AVP ta convenci cu Gabinete Wever-Croes lo ta haci...

Dennerich Kelly di AVP ta convenci cu Gabinete Wever-Croes lo ta haci corrupcion den un forma nobo cu Energia alternativa

SHARE

Energia alternativa e forma nobo di corrupcion di 
 

Siman pasa mi por a tuma nota di varios plan nan pa energia alternativa pa Aruba. E plan nan aki ta di aplaudi mirando cu nan lo ta na bienestar di Aruba. Lastimamente no por confia den e projecto nan aki di parti di e gobierno aki di sra. Evelyne Wever-Croes.

Durante Gabinetenan di sr. Mike Eman, pueblo a mira masha hopi progreso riba tereneo di energia alterantiva. Aruba tabata lider den Caribe cu un projecto tras di otro di energia renovabel. Mi por corda con sra. Wever Croes a bringa e projecto di molina na Urirama cu tabata parti di e plan di Mike Eman pa yega 100% di energia renovabel hunto cu e parkenan solar. Supuestamente e tempo ey molinanan di biento lo ta malo pa salud di hende, mahos pa e medio ambiente y tambe lo stroba hende di hasi oracion na kapel di Alto Vista. Ora cu Gabinete Wever Croes a sinta y a para tur cos pa 5 anja.

Ta pakico e cambio awor un cambio drastico di pensamento?

Ora para keto un rato y wak cual ta e desaroyo cu tabata tin tras di e paramento di e projecto nan energia alternativo e tempo aya. Por ripara cu tur e projectonan aki a wordo para a base di casonan den corte pa un cierto grupo di hende liga na e gobierno actual. Banda di e grupo ey, ta un cierto grupo di abogado cu tambe tin laso cu e gobierno actual ta esnan cu a hiba e lucha nan aki den corte y asina a beneficia financieramente grandemente acosto di nos pueblo. Awe ta net e mesun hendenan aki ta bin dilanti y ta anuncia exactamente e mesun projecto nan pa cu energia alternativa banda di desaroyo di e tereno di e rafinderia cu nan a para den pasado. E pregunta ta e ora, dicon ora di un gobierno di otro signatura e projecto no ta bon pero awe si. Pero esaki ta nan forma di corupcion den forma di auto-enriksimiento. Nan a bringa pueblo y gobierno den pasado y por medio di hasi uso di buraco nan den nos leynan awe ta presenta e mesun projecto nan aki. No ta por nada por wak tata, yui, prima y amigonan cu ta rondona e gobernantenan actual cu ta bakia den ley, ta na posicion nan clave. Pa anjas e hende nan aki a bin ta mal usa y probecha di nos systema di leynan pa awe nan corona nan mes. 

Cueste loque cueste nan mester a para projecto nan “green” den pasado. E echo nan aki por cataloga nan como abuso contra pueblo. Abuso pasobra ta pueblo ta sufri ora cu WEB y Elmar mester hisa prijs di coriente, tanten cu si e molina nan a bin e tempo aya, e prijs por tabata mas stabil na Aruba. Un otro ehempel di corupcion por medio di auto-enrikecimiento ta e contract nan cu Eagle LNG. Kiko a para cu e deal aki caminda tin hopi cosnan dudoso y famia envolvi den dje.

   
Nos no por tuma e gobierno actual na serio. Cada dia ta birando mas obvio cu e mascarada di e ministernan actual ta cayendo. Pueblo por wak cu den pasado nan a hunga wega politico, causando sufrimento den pueblo y pa awe nan bin hunga grandi. E mesun gobernante nan di awe a priva pueblo di tin un prijs di energia stabil fo’i promer cu e pandemia y e guera di Ukraina. Awe ta hustamente e gobernantenan aki di gabinetenan di sra Evelyne Wever-Croes, cu ta pone pueblo sufri subida den prijs di awa y coriente, kier bin tira santo den wowo di pueblo. Nan djis kier keda na poder pa nan por sigui cu nan forma nobo di corupcion: auto-enriksimiento mal usando nos systema di ley pa cu projecto nan di energia alternativo.