Home » Premier Evelyn Wever – Croes: Ban enfoca riba e cosnan positivo: SIMAN PASA TABATIN DIFERENTE NOTICIA POSITIVO PA ARUBA

Premier Evelyn Wever – Croes: Ban enfoca riba e cosnan positivo: SIMAN PASA TABATIN DIFERENTE NOTICIA POSITIVO PA ARUBA

by Admin
0 comment 83 views

ORANJESTAD – Prome Minister Evelyn Wever – Croes a inicia e siman nobo aki positivo reconociendo e oportunidadnan nobo cu cada siman ta trece cu ne. Ademas a refleha riba e siman cu a pasa cu tabatin diferente noticia positivo pa Aruba.

Un noticia sumamente positivo sigur ta cu siman pasa a anuncia cu gasolin lo baha un biaha mas e siman aki. Tambe cu otro aña e pensioen di biehes lo bay aumenta. Banda di esakinan, Un noticia hopi importante ta cu a entrega e presupuesto di 2023 na tempo, dia 1 di september, manera cu ley ta prescribi.
Den cuadro di esaki ta impersionante pa mira con e deficit a baha den e tres añanan di pandemia.

Na 2020, e deficit tabata 1028 miyon florin y otro aña e ta na 25 miyon florin. Pues a logra elimina 1000 miyon florin den 3 aña.
Premier Wever – Croes a sigui splica cu e deficit di e aña aki tambe a wordo entrega di nobo, cu un cambio di presupuesto riba 2022, den cual e deficit anterior tabata 227 miyon y el a baha awor na 148 miyon florin pa e aña aki.

A mira tambe cu e instructornan di landamento di scol, ‘zweminstructeurs’, porfin a haya un contract mas largo (5 aña) di Minister Endy Croes.

Adicionalmente a anuncia cu e bunita proyecto “Mi Mes Un Heroe” un proyecto dirigi pa yuda proteha nos muchanan di abuso sexual, a cuminsa siman pasa.

A mira tambe cu a anuncia cu ta bin un parke di molina di biento nobo y esaki lo percura pa prijs di coriente baha aki na Aruba.

Esaki ta lista di algun bunita proyecto cu Gobierno di Aruba a traves di diferente Ministerio a anuncia siman pasa. ‘Ban enfoca riba e cosnan positivo y indudablemente e siman aki lo trece mas cosnan positivo pa Aruba’, Prome Minister a termina bisando.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio