Home Politics Mira te unda desesperacion politico ta yega! Partido AVP ta sconde...

Mira te unda desesperacion politico ta yega! Partido AVP ta sconde tras di lomba di Gobernador pa loke ta e 2 KBnan di 1994 y 2014 implementa riba Gabinetenan Eman

SHARE

 

 

E hecho cu desde entrada di Status Aparte na 1986 nos pais Aruba a conoce na dos ocasion implementacion di KB riba e gobiernonan di AVP tin e partido aki sumamente rabia y disgusta. E 2 KBnan aki ta data di 1994 y 2014 y ambos ta poni riba nomber di AVP. Pero locual tin e partido AVP mas den defensa ainda ta cu implementacion di e prome KB di 21 di oktober 1994 tabata contra nan propio Minister di husticia Watty Vos dfm, caminda den e KB ta para cu esaki tabata riba peticion di ex Minister President di Aruba Henny Eman (“op verzoek van de Minister President van Aruba wenselijk is ter handhaving van de belangen betreffende de veiligheid van het Koninkrijk enige bijzondere voorzieningen te treffen”). Pues desde e tempo ey caba tabata conoci cu e gobierno di AVP tabata corupto y cu te hasta nan tabata dispuesto pa trece e siguridad di henter Reino Hulandes den peliger. Y pa cu esaki Henny Eman a bay asina leu di crucifica su propio colega minister y ‘amigo’ Watty Vos dfm. Increibel, pero berdad!

 

KB di desaster financiero

E di dos KB riba e gobierno di AVP tabata dia 11 di juli 1994 y cual KB a ser implementa pa motibo cu ex Prome Minister Mike Eman a crea un Megadebe di biyones y biyones di florin, un desaster financiero apocaliptico hamas bisto na Aruba sin cu durante e periodo ey nos pais a conoce un pandemia of crisis financiero mundial pa por hustifica un megadebe asina. Y e unico forma cu Hulanda por a logra frena e racha di destruccion aki di nos finansa publico tabata di impone un KB riba e gobierno corupto aki y e aña siguiente, esta na mei 2015 a obliga Mike Eman pa firma pa un Comision di Supervision CAFT y cual tabata e traicion di mas grandi contra pais Aruba. 

 

Barbaridad di e profesor di AVP

Awor ta resulta despues di tanto aña partido AVP y Mike Eman ta manda nan profesor stima Rycond do Nascimento pa declara un barbaridad, esta cu e 2 KB nan aki no ta contra e gobiernonan corupto di AVP pero tur dos KB ta dirigi contra Gobernador di Aruba. Ta increibel con un supuesto profesor ta declara algo asina ya cu cualkier studiante na un scol secundario ta na altura cu segun Statuut di Reino Hulandes nos Gobernador ta hefe di gobierno. (De taken van de gouverneur bestaan uit 2 delen: 1. Hij vertegenwoordigt de belangen van het Koninkrijk. 2. Hij staat aan het hoofd van de regering van Aruba).

Pues tabata Gobernador den su calidad di hefe di gobierno tin cu tuma e 2 KBnan aki na nomber di e coruptonan di AVP cu a hecha tur e bainanan aki, tanto pa loke ta siguridad di Reino Hulandes como e desaster financiero ocasiona na pais Aruba, aunke Gobernador no tin arte ni parte den esaki.

 

Pues ta bisto awor cu AVP den nan desesperacion ta tira tur culpa di implementacion di e 2 KBnan aki riba nos Gobernador (Wij niet, hij wel). Increibel con leu e politiconan mediocre di AVP por yega, anto con nan ta haci maluzo di nan profesor pa haci e trabao sushi aki pa nan. Y un profesor cu mester por sa miho ta coopera pa haci e trabao aki pa AVP. Pober di e Universidad di Corupcion AVP!