Home » Elliott Loonstra PLY Grand Prix Paris 2022, Premio Excelencia den Deporte 2022, Lidera-Purpose as Power Event

Elliott Loonstra PLY Grand Prix Paris 2022, Premio Excelencia den Deporte 2022, Lidera-Purpose as Power Event

by Admin
0 comment 105 views

Elliott Loonstra PLY a wordo nomina door di ARTBO (Aruba Taekwondo Bond) y honra cu dos premio pa Para Atleta di Aña durante e Premio Excelencia den Deporte pa aña 2022 na Aruba. Entrega di premio pa añanan 2019 y 2020 no a tuma lugar pa motibo di e pandemia di Covid cu a afecta mundo henter. E Premio Excelencia den Deporte pa aña 2021 si a tuma lugar y a otorga premionan na atletanan pa e añanan anterior, excluyendo aña 2020 pa motibo di Covid cu a causa falta di actividadnan deportivo. E premionan a wordo otorga na tanto atletanan cu- y sin descapacidad fisico. E premio pa aña 2019 a wordo presenta na Elliott Loonstra PLY door di Prome Minister di Aruba Sra. Evelyne Wever-Croes mientras e premio pa aña 2021 a wordo presenta na Loonstra PLY door di e secretaria di Comite Paralimpico Aruba, Sra. Shardea Croes. Di 6 atletanan nomina pa ARTBO, Elliott Loonsytra PLY tabata e unico atleta cu a ricibi premionan na e evento prestigioso aki. E ceremonia ta marca e di tres aña consecutivo (2018, 2019, 2021) cu Elliott Loonstra PLY ta wordo nombra Para Atleta di aña aki na Aruba. Un momento di orguyo grandi pa Elliott Loonstra PLY y su famia y tambe su entrenador Luciano Mazzeo y e Comite Paralimpico Aruba.

Un siman despues Elliott Loonstra PLY a wordo invita pa ta un panelista durante e conferencia ‘Lidera-Purpose as Power Event’ pa yuda motiva y siña studiantenan hoben di Aruba kico mester pa bira un atleta na nivel elite. E evento a tuma lugar dia 26 di augustus di e aña aki y mas di 400 studiantenan atleta a atende. Hunto cu otro panelistanan Elliott Loonstra PLY a splica su pensamentonan y experiencia den e mundo di deporte y con esaki a afecta su bida y bista riba deporte. E evento aki tambe a wordo atendi pa ex- strea di NFL y actual orador motivacional Sr. Trent Shelton. E evento tabata un exito grandi y Elliott Loonstra PLY tabata hopi honra di por a forma parti di esaki. E ta spera di por participa na otro eventonan den futuro pa asina e por yuda y motiva mas studiante den deporte y na mes momento educa ariba e movimento Paralimpico cu ta pasando na mundo henter.

Actualmente Elliott Loonstra PLY y su entrenador Luciano Mazzeo ta na Paris Francia pa competi na e ‘2022 Paris Grand Prix Series of Para-Taekwondo’. E peleanan lo tuma lugar dia 5 di september 2022 y nos kier desea Elliott Loonstra PLY y su entrenador Luciano Mazzeo tur exito durante e pelean.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio