Oranjestad, 6 september 2022 – E compania di Gas Natural Eagle LNG ta organisa su di dos sesion di informacion publico. Esaki lo tuma lugar dia 7 y 8 di september proximo den e auditorium di Colegio EPI Oranjestad.
E prome sesionnan di informacion publico a tuma luga den July cu e intencion di informa comunidad di e Proyecto y pa sa di nan inquietudnan. E evento tabata uno exitoso tawata tin hopi interes den e Proyecto y e publico a haci hopi pregunta. Riba e foto por mira e cantidad di publico cu a asisti y tambe con interactivo e sesionnan a resulta, den MFA Savaneta riba dianan 12, 13 y 14 di juli 2022.
Algun de e preguntanan haci cu mas frecuencia tin di haber cu seguridad y e ruta di pipa di gas natural. Durante e sessionan, Eagle LNG ta duna splicacion con gas ta wordo uza diariamente pa hogarnan y industrianan na paisnan desaroya manera Merca y Hulanda. Tin un red amplio di pipa di gas natural den e paisnan desaroya y e mesun standard ta bay wordo implementa pa e instalacion di pipanan di gas natural na Aruba.
E proximo dos sesionnan di informacion publico lo ta pa presenta e resultadonan preliminario di e Environmental and Social Impact Assesment (ESIA). Esaki ta inclui un descripcion di e instalacionnan, actividadnan di construccion y operacionnan recomenda. Tambe lo presenta e ubicacion y ruta preferi pa e instalacion di pipa di gas natural y, por ultimo, cua ta medidanan cu ta bay wordo tuma pa evita of maneha impactonan potential negativo. E sesionnan aki lo tuma lugar na e auditorium di Colegio EPI Oranjestad. Sesion 1 lo ta diaranson dia 7 september pa 4.00 pm- 7.00 pm y sesion 2 lo ta diahuebs dia 8 di september pa 6.00 pm- 9.00 pm.
Eagle LNG ta spera cu comunidad di Aruba lo acudi sin falta na e dos sesionnan aki di informacion. Asina un y tur por haya e informacion corecto for di e propio instancia y ingenieronan di e compania y di e compania Royal Haskoning cu ta asistiendo cu nan experticio den e estudionan necesario pa e realisacion di e proyecto.
