Tabata ariba un Diadomingo mainta trempan pa 5:30 am di Dia 5 di September 2021 esta net un Anja pasa Dialuna Dia 5 di September 2022 cu Sr.Marco I.Bislip a fayece na Dr.Horacio Oduber Hospital den camber B304 A den presencia di su dos yiunan su yiu muher y yiu homber mayor cu tabata interna hunto cu Sr.Marco Bislip for di Dia 27 di Augustus 2021 ambos tata y yiu a bin hospital cu ambulance hunto y a keda interna hunto den camber separa y Dia 3 di September 2021 cu e yiu mayor Sr.Marcos Bislip a wordo interna hunto cu su tata sin sa cu e destino tabata otro nan a lucha hunto den e mesun piso B3 cu e speransa cu ambos lo sali hunto bon di salud pa cas.
Aruba a perde un baluarte un persona cu a dedica su bida na su patria stima Aruba na e lucha sagrado di su pais un persona cu a defende su patria y a lucha hunto cu Betico y a forma parti di tur e proceso di Aruba su Status Aparte y Independencia Gemenebest cu Hulanda.
Status Aparte cu a inicia na 1972 y Independencia Gemenebest cu a inicia na 1976 ora mayoria di e pueblo a bai un referendum y a opta pa Independencia Onafhankelijkheid cu a bira e Independencia Gemenebest cu Hulanda na ingles un commonwealth cu Hulanda pa cual expertonan di Nacionnan Uni mes a recomenda y conseha Betico y su delegacion na New York na Nacionnan Uni.
Sr.Marco I.Bislip tabata lider di fraccion di MEP y tambe miembro di delegacion di Aruba na Hulanda durante tur dos conferencia di mesa rondo na Hulanda.Aparte di esei Sr.Marco I.Bislip tabata parti di tur comision di Status Aparte y Onafhankelijkheid di Aruba.
Sr.Marco I.Bislip como sindicalista, politico y gobernante semper a lucha pa e clase trahador pa esun mas pober y pa igualdad y husticia.
Semper Sr.Marco I.Bislip a lucha contra inhusticia.
Sr.Marco I.Bislip ta naci Dia 19 di November 1943.
Sr.Marco I. Bislip a bai LTS y a bishita John F.Kennedy Tecnische School.
Despues di a caba su Technische School Sr.Marco I.Bislip a bai traha na un tienda hopi conoci den caya di San Nicolas esta Fanny Shop un trahador ehemplar y hopi confiansa di Fanny Shop.
Sr.Marco tabata tambe den su tempo liber sirbidor di pastor na Misa Sta.Teresita na San Nicolas.
Sr.Marco tabata tambe miembro di Oranje Kruis di Rode Kruis e la traha voluntariamente como safeguard na Eagle Beach den e torennan di observacion pa tira bista na e publiconan cu tabata bishita nos beach y lama na Eagle Beach.
Sr.Marco ta un baluerte di nos carnaval un carnavalista grandi e la participa den e dos gruponan di su famia y reina di grupo di carnaval esta Sidonia e la participa den e grupo africano y chines cu a gana como grupo di carnaval ganando Tivoli y Caribe.
Sr.Marco tabata tambe presidente di e team di beisball Pepsi Cola tabata tambe presidente di ABBA Amateur Beisball Bond Aruba.
Sr.Marco tabata gusta e tereno di weight lifting y tabata train hisa barbell.
Sr.Marco ta un musico tambe y a forma parti di e orguesta di maestro Fred Muller y tabata toca na hotel.Sr.Marco mescos cu su tata ta musico specialisa den percusion pa cual famia Bislip ta conoci pa ta bon.Sr.Marco ta musico dor di su tata cu tabata tin e prome orguesta musical na Aruba.
Sr.Marco I. Bislip a bai traha despues na Elmar.
Na Elmar Marco I. Bislip a inicia como magazijn meester y despues a sigi pa e departamento di administratie.
Sr.Marco I.Bislip a bai den sindicalismo e ta funda UEA Union Electricista Arubano mihor conoci como e sindicato di trahadornan di Elmar.Sr.Ridderstad y Sr.Bislip ta e fundadornan di UEA.
Sr.Marco I.Bislip a bai studia sindicalismo na Venezuela esta CLAT.
Sr.Marco I.Bislip ta un baluarte cu a dirigi e welga na 1972 na unda a pone Aruba plat pa hanja derecho di trahadornan Sr.Marco I.Bislip tabata hunto cu Clarens Richardson di FTA.
Sr.Marco I.Bislip a drenta e mundo di politica na 1971 y tabata fundador di partido MEP Movimiento Electoral di Pueblo hunto cu Betico Croes.Sr.Marco I.Bislip awordo aserca pa Sr.Maty Vrolijk pa e por bai den e tereno politico y Sr.Watty Vos.Sr.Marco I.Bislip tabata hunto cu Sr.Watty Voz den Jaycees Aruba Junior Chamber Leadership trainining.
Sr.Marco I.Bislip ta sali for di un famia hopi humilde semper e la yuda tur hende esunnan mas den necesidad social.
Betico Croes a mira algo grandi den Sr.Marco I.Bislip un homber di confiansa y na hopi ocacion e la pone e confiansa den Sr.Marco I.Bislip como lider di fraccion di MEP Movimiento Electoral di Pueblo.
Na 1971 Sr.Marco I. Bislip no por a bai ariba lista paso e tabata traha na Elmar y ta na 1972 cu Sr.Marco I.Bislip a bai ariba lista di MEP Movimiento Electoral di Pueblo.
Sr.Marco I.Bislip tabata ex-eilandstraatlid di gobierno di territorio insular di Aruba y tabata fractieleider di MEP un politico grandi den su forma pa trece su ponencianan y discursonan y kere semper den e lucha pa Aruba ta liber Independiente Gemenebest cu Hulanda commonwealth.
Sr.Marco I.Bislip tabata diputado di gobierno insular di Aruba.
Tambe statenlid di Antiyanan Hulandes.Sr.Marco I.Bislip den e periodo di Anja 71 pa Anja 1985 Sr.Marco I.Bislip tabata eilandstraatlid, diputado di gobierno insular di Aruba y statenlid di Antiyanan Hulandes.Sr.Marco I.Bislip tabata den tur comision y gruponan di trabou.
Sr.Marco I.Bislip ta un di e miembronan di delegacion di Mesa Rondo 1981 y Mesa Rondo 1983 hunto cu Betico Croes na Hulanda.
Sr.Marco I.Bislip hunto cu Betico Croes, John van der Kuyp, Daniel Leo, Frans Figaroa, Roland Lacle y otronan a lucha pa awe Aruba na 1976 a hanja su himno, su bandera, su ortografia papiamento y su moneda y placa arubiano.Na 1972 e lucha di Satus Aparte a inicia y na 1976 a inicia cu e lucha pa Aruba su Independencia Gemenebest cu Hulanda na unda pueblo di Aruba pa medio di un referendum a vota cu un mayoria pa Aruba por bira pais liber Independiente Gemenebest cu Hulanda.
Sr.Marco I.Bislip tabata un miembro hopi activo di Parlamento Latino Americano y tabata parti di e negosacion di e conflicto entre e sandinistanan y gobierno dictatorial di Somosa pa cu e pais Nicaragua pa cual reunion special a tuma lugar na Mexico na unda Sr.Marco I.Bislip a hunga un rol importante den e negosacionnan na Mexico.Sr.Marco I.Bislip no ta un politico local of regional pero a logra di bira un politico internacional tambe na Mexico despues cu den e delegacion cu Sr.Marco I.Bislip tabata lidera a logra cu Nicaragua ta bira liber atrobe y cu full e delegacion hunto cu Sr.Marco I.Bislip ta bai Nicaragua pa mira e situacion despues cu e gobierno di Somosa ta retira y bandona Nicaragua.Tambe den e reunion di ODILAC na Jamaica Sr.Marco I.Bislip ta marca historia.
Sr.Marco I.Bislip tabata tambe presidente di ABA Aruba Amateur Boxing Asociation.Sr.Marco tabata director di Departamento di Labor pa cual e tabata hopi bon den e tereno di asuntonan laboral.
Sr.Marco tabata presidente di Stichting International Raceway Park Palo Marga y a dirigi esaki pa 8 Aña largo y hopi stima y aprecia pa e coredornan pa loke e la haci pa e deporte di Dragracing na Aruba un baluerte grandi.
Sr.Marco I.Bislip tabata director di Plan E Desaroyo San Nicolas y Vecindario cu ta parti di Plan Sasaki na unda a ehecuta hopi projectonan grandi entrenan e Community Pool San Nicolas y e Pisina Olimpico Roly Bisslick na Savaneta.
Sr.Marco Bislip a funda Lotto Pa Deporte hunto cu Roy van Putten y Remy Zaandam na unda awe ta ofecina di gobierno panort di Filomena Colege.
Sr.Marco I.Bislip ta un persona cu semper a dedica su bida na su patria Aruba y semper a yuda tur hende, un persona hopi social, un tremendo tata, un rol model pa henter su famia y pa Aruba.