Home » A presenta otro schedule di tratamento Caso Avestruz lo por dura te Februari 2023

A presenta otro schedule di tratamento Caso Avestruz lo por dura te Februari 2023

by Admin
0 comment 93 views

ORANJESTAD – Awe mainta un biaha mas abogadonan di e 11 sospechosonan den caso Avestruz a presenta den sala di Corte.

ARUBANATIVE por a compronde cu ningun di e sospechosonan no a presenta. Esaki tabata di spera pasobra e abogadonan a bisa esey anterior. Pa dia di tratamento di e caso, cada sospechoso mester presenta.

CAMBIO DEN SCHEDULE

Hues a bisa cu Ministerio Publico a propone un otro schedule y tin un plan alternativo, teniendo cuenta cu e deseo di Ministerio Publico.

E plan alternativo ta mustra cu e luna aki lo trata e caso contra Curt Harms, Pieter Susebeek y Oslin (Benny) Sevinger. Esaki ta riba dianan 7 y 8 September 2022. Esaki ta e caso Stichting FCB.

Otro luna 24 y 25 October 2022, lo trata e caso Elenath y Deshaun den cual e sospechosonan ta: Maria Leoncita Arends, Reina Richardson, Frederic Every, Winterdal, Franklin Abath y Benny Sevinger.

Dianan 3, 4, November 2022 lo trata e caso Damira caminda e sospechosonan ta: Edgar Werleman, Ninosca Nuñez, Carlo Mansur, Franklin Abath y Benny Sevinger.

Dianan 9 y 10 November 2022 lo trata e caso Bucuti caminda e sospechosonan ta Ewald Biemans y Benny Sevinger. Tambe lo trata e caso di malversacion contra Benny Sevinger.

Dia 11 November 2022, e dos Fiscalnan di Ministerio Publico lo presenta nan requisitorio y exigi castigo.

Den e siman di 12 te cu 16 December 2022, e abogadonan lo tin e chens pa presenta nan defensa.

CASO LO POR DURA TE OTRO AÑA

Despues cu e abogadonan a haya e plan alternativo aki, tabatin algun remarke di parti di e abogadonan. Nan a mustra cu nan ta haya e periodo di 1 siman pa nan presenta nan defensa mucho poco.

Hues a bisa cu e ta un plan alternativo y durante tratamento lo mira kico ta sosode. Sino lo sigui cu tratamento Januari 2023 y Februari 2023.

Promer tentativo, e schedule tabata cu na December 2022 lo caba cu e tratamento. Hues a bisa cu Januari 2023 lo sera tratamento di e caso y e ta spera cu na Februari 2023 lo tin sentencia. Awor cu a bin cambio den schedule, e chens ta grandi cu e tratamento lo dura te Feburari 2023 y despues Hues lo bisa pa ki tempo lo por spera sentencia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio